22—23 ліпеня ў Выканаўчым камітэце СНД у Мінску пройдзе дадатковае пасяджэнне экспертнай групы па ўзгадненні праекта пагаднення аб парадку стварэння і дзейнасці сумесных следча-аператыўных груп на тэрыторыях дзяржаў — удзельніц Садружнасці.
Як паведамляе прэс-служба Выканкама, дакумент стане інструментам прававога рэгулявання пытанняў стварэння і дзейнасці сумесных следча-аператыўных груп на тэрыторыях бакоў для раскрыцця і расследавання злачынстваў па крымінальных справах, што знаходзяцца ў вытворчасці кампетэнтных органаў і звязаныя з правядзеннем вялікага аб`ёму працэсуальных дзеянняў і аператыўна-вышуковых мерапрыемстваў на тэрыторыях дзвюх і больш краін СНД.
У праекце агаворваюцца асноўныя задачы такіх груп, парадак іх стварэння і працы.
Вячаслаў Будкевіч,
БелаПАНМінск, 20 ліпеня 2014
