Беларусь займае 12-е месца ў свеце па смяротнасці насельніцтва. Такія звесткі апублікаваны Цэнтральным разведвальным упраўленнем ЗША ў штогадовым выпуску "Міжнароднай кнігі фактаў".
Згодна з гэтымі данымі, у Беларусі ў год на 1.000 чалавек прыпадаюць 13,9 смерці.
Першае месца займае Паўднёва-Афрыканская Рэспубліка (17,2), другое — Украіна (15,7), трэцяе — Лесота (15,1).
Расія займае 11-е месца з паказчыкам 14,1 смерці на тысячу насельніцтва, Латвія — 16-е месца (13,6), Літва — 35-е (11,4), Польшча — 46-е (10,2).
Згодна са справаздачай, сярэдняя працягласць жыцця ў Беларусі складае 71,4 года. Мужчыны ў сярэднім жывуць 66 гадоў, жанчыны — 77.
Таццяна Каравянкова,
БелаПАНМінск, 17 студзеня 2013
