У фестывалі прынялі ўдзел прадстаўнікі 13 краін - Беларусі, Балгарыі, Босніі і Герцагавіны, Венгрыі, Ізраіля, Латвіі, Мальты, Македоніі, Расіі, Сербіі, Славеніі, Харватыі, Чарнагорыі.

Юная выканаўца з Магілёва Марыя Магільная стала ўладальніцай Гран-пры Х Міжнароднага дзіцячага музычнага фестывалю, які завяршыўся 21 лістапада гала-канцэртам у горадзе Нові-Сад.

Беларусь у Сербіі прадстаўлялі таксама дырэктар міжнароднага фестывалю мастацтваў "Славянскі базар у Віцебску", прэзідэнт Сусветнай асацыяцыі фестываляў (WAF) Аляксандр Сідарэнка (старшыня журы) і кіраўнік эстраднай студыі "Наталі" (Мінск), кампазітар, прадзюсар, член WAF Наталля Скопец (член журы).

На закрыцці фестывалю прысутнічалі прадстаўнікі Міністэрства культуры аўтаномнага края Ваяводзіна і пасольства Беларусі ў Сербіі.

21 лістапада 2016, Мінск
БЕЛТА