Калекцыя адзення была прадстаўлена расійскім прадпрыемствам "Таржокскія залаташвачкі". Яна выканана з беларускага лёну і ўпрыгожана ўнікальнай традыцыйнай вышыўкай. Пастаўшчыком лёну для фабрыкі на працягу 5 гадоў з`яўляецца Аршанскі льнокамбінат.

Для стварэння модных вобразаў залаташвачкі выкарыстоўваюць усе тыпы тканін з беларускага лёну. Пасля мадэрнізацыі Аршанскага льнокамбіната асартымент пастаянна пашыраецца. Толькі тканіны з Беларусі, паводле слоў старшыні савета дырэктараў фабрыкі Алега Іванова, такой мяккасці, што на іх добра і роўна можа класціся ручная вышыўка залатымі і сярэбранымі ніткамі.

"Мы перапрабавалі шмат матэрыялаў і спынілся на беларускіх, - паведаміў кіраўнік расійскага прадпрыемства. - У Расіі ім няма аналагаў. Што датычыцца перапрацоўкі лёну, яго фарбавання, то беларускія тканіны падыходзяць нам па многіх крытэрыях".

30 жніўня 2017, Масква
Эдуард Півавар - БЕЛТА