Новая вытворчасць дасць магчымасць не толькі павялічыць выпуск канкурэнтаздольнай імпартазамяшчальнай прадукцыі, але і пастаўляць яе на экспарт.

«Слуцкія сыраробы сёння крочаць выразна ў нагу з часам, нарошчваючы свой экспартны патэнцыял, не забываючы аб распрацоўцы новых відаў прадукцыі, якая не будзе саступаць па якасці заходнім аналагам», — адзначылі на прадпрыемстве.

Слуцкі сыраробны камбінат — адно з найбуйнейшых прадпрыемстваў Беларусі, якія займаюцца перапрацоўкай малака. Магутнасці прадпрыемства дазваляюць выпускаць у суткі 150 т сухіх малочных прадуктаў, 130 т  масла і 130 т сыру.

Звязда, 5 красавіка 2023