https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


МЗС Кітая апублікавала план урэгулявання ўкраінскага крызісу


МЗС Кітая апублікавала план урэгулявання ўкраінскага крызісу. Дакумент складаецца з 12 пунктаў і размешчаны на афіцыйным сайце ведамства.
Пекін звярнуў увагу на неабходнасць паважаць суверэнітэт і тэрытарыяльную цэласнасць усіх краін, заклікаў адмовіцца ад падвойных стандартаў і прымяняць міжнароднае права да ўсіх аднолькава.

Яшчэ адна ўмова — адмова ад менталітэту халоднай вайны, бо ўзмацненне і пашырэнне ваенных блокаў не забяспечыць рэгіянальную бяспеку.

Чарговы пункт заклікае спыніць баявыя дзеянні і спыніць вайну, бо ў канфліктах няма пераможцаў. Бакі павінны захоўваць стрыманасць, каб не дапусціць далейшай эскалацыі і выхаду ўкраінскага крызісу з-пад кантролю.

Асобны пункт прысвечаны мірным перагаворам. На думку Кітая, канструктыўны дыялог — адзіны выхад з існуючага ўкраінскага крызісу. Для аднаўлення перагавораў паміж Расіяй і Украінай неабходна стварыць умовы.

Таксама Пекін звярнуў увагу на абмен ваеннапалоннымі паміж Масквой і Кіевам і падкрэсліў неабходнасць супрацьстаяць узброеным нападам на мірныя ядзерныя аб’екты. Яшчэ адна прапісаная ў дакуменце пазіцыя тычыцца недапушчальнасці прымянення ядзернай зброі.

Кітай таксама заклікаў усе бакі выконваць пагадненне аб перавозцы збожжа па Чорным моры і выступіў супраць злоўжывання аднабаковымі санкцыямі ў кантэксце ўкраінскага канфлікту, бо гэта стварае новыя праблемы. Акрамя таго, у заяве ўтрымліваецца заклік забяспечыць стабільнасць ланцужкоў вытворчасці і паставак.

У заключным пункце Кітай выказаў гатоўнасць аказаць дапамогу і адыграць канструктыўную ролю ў пасляваенным аднаўленні ў зоне канфлікту.

Звязда, 24 лютага 2023
 
Дата публикации:24.02.2023
Тематика:Новости, Дипломатия
Просмотров:624
 
Ключевые слова:
Украина Китай Геополитика
 
 


Комментарии



 



Другие новости по этой теме