Такое меркаванне выказаў Надзвычайны і Паўнамоцны Пасол Літвы ў Беларусі Эвалдас Ігнатавічус, адказваючы на пытанні журналістаў у час мерапрыемстваў Дзён Літвы ў Мінску.
Мерапрыемствы прымеркаваны да пачатку старшынства Літвы ў Еўрасаюзе ў другой палавіне 2013 года.
"Мы не маем намеру будаваць новыя сцены і хочам, каб граніца з Літвой стала неадчувальнай", - падкрэсліў літоўскі дыпламат.
Ён адзначыў важнасць таго, што Мінск - самая бліжэйшая да Вільнюса сталіца іншай дзяржавы. "Таму ёсць унікальная для мяне, як дыпламата, магчымасць бліжэй пазнаёміцца з краінай-суседкай, з якой нас звязваюць даўнія гістарычныя карані", - сказаў Эвалдас Ігнатавічус.
Дні Літвы адкрыліся 3 мая ў Беларусі. На думку пасла, правядзенне гэтага маштабнага форуму дасць магчымасць народам дзвюх краін бліжэй пазнаць адзін аднаго, тым больш што Дні Літвы ўпершыню арганізаваны за ўвесь перыяд літоўска-беларускіх дыпламатычных адносін.
6 мая 2013, Мінск
Аліна Грышкевіч -
БЕЛТА
