Як паведамляе прэс-служба МЗС Беларусі, падчас перамоў у Міністэрстве замежных спраў Славеніі плануецца абмеркаваць комплекс пытанняў двухбаковага супрацоўніцтва і тэматыку развіцця дыялогу па лініі Мінск — Брусель.

Запланаваны таксама перамовы з прадстаўнікамі буйнога славенскага бізнесу па пытаннях пашырэння эканамічнага і інвестыцыйнага ўзаемадзеяння паміж Беларуссю і Славеніяй.

10 ліпеня ў Любляне пройдзе ўрачысты прыём з нагоды Дня Незалежнасці Рэспублікі Беларусь і 20-годдзя ўсталявання дыпламатычных адносін паміж дзвюма краінамі, будзе арганізавана выстава беларускага мастака і дызайнера Уладзіміра Цэслера, адбудзецца канцэрт беларускіх артыстаў: квартэта драўляных духавых інструментаў "Рыўера" і скрыпачкі Маймуны.

Андрэй Серада, БелаПАН
Мінск, 9 ліпеня 2012