Кіраўнік МЗС таксама падкрэсліў, што Беларусь мае намер пашыраць гандлёва-эканамічнае супрацоўніцтва, якое з`яўляецца асабліва важным на фоне гандлёва-эканамічных войнаў, што адбываюцца ў свеце.

Акрамя таго, Уладзімір Макей канстатаваў, што ў свеце адбываецца рост напружанасці і ўсё больш актыўнымі становяцца працэсы, звязаныя з гонкай узбраенняў. Таму Беларусь мае намер прыкладаць актыўныя намаганні ў рамках працэсаў, звязаных з умацаваннем бяспекі.

У цырымоніі падняцця сцяга МЗС прынялі ўдзел прадстаўнікі знешнепалітычнага ведамства, ветэраны дыпламатычнай службы, прадстаўнікі акрэдытаванага ў Беларусі дыпкорпуса.

21 снежня 2018, Мінск
Аліна Грышкевіч - БЕЛТА