Пра гэта паведаміў на брыфінгу 8 лістапада начальнік упраўлення інфармацыі — прэс-сакратар Міністэрства замежных спраў Андрэй Савіных.
8—10 лістапада адбудзецца візіт у Беларусь дэлегацыі Міністэрства транспарту Славеніі. Яна возьме ўдзел у пасяджэнні Беларуска-славенскага сумеснага камітэта па пытаннях міжнародных аўтамабільных зносінаў.
Славенскую дэлегацыю ўзначаліць дырэктар дэпартамента дарожнага транспарту Мінтранса Богдан Потакар, беларускую — начальнік упраўлення аўтамабільнага, гарадскога, электрычнага транспарту і метрапалітэна Мінтранса Юрый Каравайкін.
Як паведаміў Савіных, падчас працы камітэта бакі абмяняюцца інфармацыяй аб стане двухбаковага супрацоўніцтва ў сферы аўтамабільных перавозак і вызначаць канчатковую колькасць дазволаў на аўтамабільныя перавозкі на 2012 год. Бакі таксама ўзгодняць папярэднюю колькасць дазволаў на 2013 год і абмяркуюць іншыя актуальныя пытанні двухбаковага ўзаемадзеяння.
Анастасія Янушэўская,
БелаПАНМінск, 8 лістапада 2012
