Пасол Чэхіі Ў Беларусі Іржы Карас плянуе вярнуцца ў Менск у пятніцу. «Вельмі буду рады вярнуцца ў Менск», сказаў спадар Карас карэспандэнту "Радыё Свабода"
«Я вярнуся неўзабаве, у пятніцу, і я вельмі рады, што магу вярнуцца ў Беларусь. Там ужо частка майго жыцьця, маёй душы. Я люблю Беларусь, паверце мне!»
Сёньня пасол Карас пасьпеў яшчэ адкрыць выставу беларускага мастацтва ў чэскім парлямэнце.
Выстава сучаснага беларускага жывапісу і скульптуры «Душа Беларусі» праходзіць пад патранажам старшыні чэскага парлямэнту Міраславы Немцавай і чэскага кардынала Дамініка Дукі.
Радыё Свабода 24 красавіка 2012
