Па ініцыятыве канадскага боку адбылася тэлефонная размова міністра замежных спраў Беларусі Уладзіміра Макея з міністрам замежных спраў Канады Франсуа-Філіпам Шампанем. 

Як расказалі ў МЗС, субяседнікі абмеркавалі поствыбарную сітуацыю ў Беларусі. Уладзімір Макей праінфармаваў аб канкрэтных фактах знешняга ўмяшання ва ўнутраныя справы Беларусі і заклікаў канадскі бок аб`ектыўна ацэньваць сітуацыю, грунтавацца на розных крыніцах інфармацыі.

"Бакі таксама абмяняліся думкамі адносна перспектыў далейшага двухбаковага ўзаемадзеяння", - дадалі ў прэс-службе.

1 верасня 2020, Мінск
БЕЛТА