Эрдаган заявіў, што мае намер абмеркаваць са сваімі калегамі з РФ і Украіны пытанні ўрэгулявання ўкраінскага крызісу. Анкара спадзяецца, што канфлікт паміж дзвюма краінамі ў хуткім часе завершыцца і бакі знойдуць мірныя шляхі яго вырашэння. Аднак, на думку Эрдагана, пакуль ствараецца ўражанне, што сітуацыя толькі пагаршаецца.

Прэзідэнт Турцыі таксама выказаўся наконт далучэння Швецыі і Фінляндыі да НАТА. Паводле яго слоў, гэтае пытанне турбуе расійскія ўлады. Эрдаган разумее заклапочанасці Масквы, паколькі яна мае агульную мяжу з Фінляндыяй.

Што тычыцца пазіцыі Турцыі па ўступленні Швецыі і Фінляндыі ў НАТА, Эрдаган адзначыў, што Анкара не дазволіць далучыцца да альянсу краінам, якія падтрымліваюць тэрарыстаў.

Па дадзеных ТАСС, тэлефонныя перагаворы Эрдагана і Пуціна 30 мая сапраўды адбудуцца. Гэтую інфармацыю агенцтву пацвердзіў прадстаўнік Крамля Дзмітрый Пяскоў.

Звязда, 29 мая 2022