Беларускую дэлегацыю ўзначальваў начальнік галоўнага дагаворна-прававога ўпраўлення МЗС Андрэй Папкоў, ізраільскую — намеснік генеральнага дырэктара МЗС Эхуд Кейнан.

Бакі правялі прэзентацыю сфер дзейнасці прававых службаў знешнепалітычных ведамстваў дзвюх краін, абмеркавалі актуальны стан міждзяржаўных, міжурадавых і міжведамасных пагадненняў, якія дзейнічаюць паміж Беларуссю і Ізраілем, а таксама перспектывы пашырэння дагаворна-прававой базы двухбаковага супрацоўніцтва.

Быў таксама разгледжаны шэраг прававых аспектаў у кантэксце развіцця ўзаемадзеяння дзвюх краін на пляцоўцы ААН і іншых міжнародных арганізацый.

Мінск, 21 ліпеня 2015

Таццяна Каравянкова, БелаПАН