Пытанні паставак беларускіх трамваяў у Даўгаўпілс, перспектывы развіцця гандлёва-эканамічнага і рэгіянальнага супрацоўніцтва, узаемадзеяння ў сферах культуры і адукацыі абмеркаваў пасол Беларусі ў Латвіі Аляксандр Герасіменка з кіраўнікамі Даўгаўпілскай гарадской думы.
Дыпламат наведаў з рабочым візітам Даўгаўпілс 19—20 жніўня, паведамляе прэс-служба МЗС Беларусі.
Падчас сустрэчы таксама разгледжаны меры па рэалізацыі дамоўленасцяў, дасягнутых у межах II Беларуска-латвійскага форуму гарадоў-пабрацімаў, які адбыўся ў Даўгаўпілсе ў маі 2013 года.
Андрэй Серада,
БелаПАНМінск, 21 жніўня 2013
