https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Школа пры расійскім пасольстве ў Польшчы аднавіла заняткі


Раней у Варшаве польскія ўлады і паліцыя ўварваліся ў школу пры расійскім пасольстве, зламаўшы веснічкі каля варот установы.
Школа пры пасольстве Расіі ў Польшчы зноў аднаўляе сваю працу пасля таго, як польскія ўлады забралі ў яе будынак.

"Усе кабінеты гатовы. Настаўнікі гатовы… Школа пачынае працаваць. Усё па раскладзе", - паведаміў агенцтву РІА Навіны дырэктар школы Леанід Шчукін.

Паводле яго слоў, усе 18 кабінетаў прывялі ў ранейшы стан, а таксама перавезлі і падключылі абсталяванне.

Нагадаем, што інцыдэнт у школе пры расійскім пасольстве адбыўся ў канцы мінулага месяца. Так, раніцай 29 красавіка да будынка школы прыбылі прадстаўнікі варшаўскай мэрыі разам з паліцэйскімі. Туды прыехалі і прадстаўнікі пасольства Расіі.

Польскі бок запатрабаваў адчыніць вароты школы, аднак атрымаў адмову. Пасля гэтага прадстаўнік польскіх улад зламаў веснічкі каля варот школы, і паліцэйскія ўварваліся ў будынак. Па патрабаванні польскага боку супрацоўнікі школы павінны былі пакінуць будынак.

Пазней афіцыйны прадстаўнік расійскага МЗС Марыя Захарава заявіла, што Масква вельмі жорстка адкажа на захоп школы.

"Афіцыйная Варшава атрымае ў адказ адпаведныя дзеянні. Як вы разумееце, яны будуць прымацца і выпрацоўвацца ў міжведамасным фармаце", - сказала дыпламатка.

Таксама прадстаўнік знешнепалітычнага ведамства запэўніла, што школа зачынена не будзе, а пераедзе ў іншы будынак, і вучоба дзяцей працягнецца.

Мінск, 10 траўня 2023
Sputnik
 
Дата публикации:10.05.2023
Тематика:Образование, Дипломатия
Просмотров:217
 
Ключевые слова:
Польша Варшава Посольство Школа
 
 


Комментарии



 



Другие новости по этой теме