Так, паводле звестак абласнога лесагаспадарчага аб’яднання, за мінулы сезон перавышэнне дапушчальнага ўзроўню радыенуклідаў зафіксавана ў дарах з лясоў Іўеўскага раёна. У прыватнасці, сабраных у наваколлях раённага цэнтра, а таксама населенага пункта Юрацішкі.

У Навагрудскім раёне зафіксаваны высокі радыяцыйны фон у Ізвенскім і Любчанскім лясніцтвах.

Сярод ягад моцнымі назапашвальнікамі радыяцыі з’яўляюцца брусніцы, журавіны, чарніцы і буякі. Сярод грыбоў — махавікі, маслякі і рыжакі.

Поўную інфармацыю аб забруджаных тэрыторыях можна атрымаць на сайтах лясгасаў Гродзенскай вобласці. А праверыць прадукцыю: у цэнтрах гігіены і эпідэміялогіі, у лабараторыі на рынках, у лясгасе на пасце радыяцыйнага кантролю.

Звязда, 7 сакавіка 2025