Важкі ўклад у медальную скарбонку ўнесла каманда мінскага цэнтра «Дзіён» Міжнароднай лігі традыцыйных баявых мастацтваў (МЛТБМ). У яе актыве 13 узнагарод, 6 з якіх — вышэйшай пробы. Уладальнікамі залатых медалёў у асабістым кумітэ сталі Мацвей Цагалка, Макар Андрэйчык, Ілья Кухто, Іван Уласік, Кірыл Фалееў і Аляксей Коршун. Кіраўніком МЛТБМ доўгія гады з’яўляецца шматразовы чэмпіён свету і Еўропы майстар спорту СССР Сяргей Міруценка.

Усяго ў спаборніцтвах адкрытага кантынентальнага першынства ў розных узроставых катэгорыях прынялі ўдзел 173 спартсмены з Беларусі, Расіі, Казахстана, Туркменістана і Малдовы. Цяпер лепшыя майстры рыхтуюцца да выступлення на чэмпіянаце свету, які пройдзе летам у Токіа.

Звязда, 2 траўня 2023