Вставить в блог

Скопируйте следующий код для вставки в Ваш блог

<div><a href="http://belarus.kz"><img src="http://belarus.kz/images/01_logo.gif" border="0"></a><br /><br /><div>Кожная вясна — асаблівая. Яна дорыць не толькі яркае сонечнае святло. Яна дорыць непаўторны настрой і надзею на штосьці новае і незвычайнае. Як цудоўна, што гэтая пара года пачынаецца з асаблівага свята — Міжнароднага жаночага дня!</div>
  <div><br /></div>
  <div>У якасці падарунка да 8-га сакавіка не толькі жанчынам, але і мужчынам — асабісты погляд вядомай беларускай тэлевядучай Кацярыны Валовік на тыя каштоўнасці, без якіх немагчыма паўнавартаснае жыццё жанчыны, незалежна ад узросту і статусу. </div>
  <div><br /></div>
  <div><strong>Кожны этап у жыцці — крок у будучыню</strong></div>
  <div><br /></div>
  <div>Наша жыццё складаецца з перыядаў, кожны з якіх мае свае мэты на будучыню. Маладосць — гэта неўсвядомленае назапашванне жыццёвага вопыту, які толькі з цягам часу набывае для чалавека сапраўдную каштоўнасць.</div>
  <div><br /></div>
  <div>«Калі ў мяне не было дзяцей», — дзеліцца ўспамінамі Кацярына, — «я шмат падарожнічала. Французская Палінэзія, Дамінікана, Таіці, Бора-бора... Новыя экзатычныя мясціны — новыя эмоцыі. Ад пастаяннай актыўнасці захоплівала дух. І менавіта ў гэтым я бачыла адну з асноўных крыніц натхнення».</div>
  <div><br /></div>
  <div>Зараз Кацярына вядзе больш спакойны лад жыцця. Жыве за горадам каля лесу. Не блукае па свеце, а стварае яго сама, сваімі рукамі. І гэтая дзейнасць — аснова яе ўнутранай сілы, добрага настрою і задавальнення. Кацярына пабудавала дом, працягвае ўладкоўваць яго сваімі рукамі, у адпаведнасці са сваім бачаннем і густам. «Канешне, бываюць моманты, калі рукі апускаюцца і накрывае стомленасць. Тады я кажу сабе: „Паглядзі навокал! Гэта ўсё зрабіла ты! Малайчына! Адпачні і слухай толькі сябе!“ Зараз у мяне няма ніякага жадання, як кажуць, бегчы наперадзе цягніка ў вузкай спадніцы на абцасах вышынёй у 10 сантыметраў. Я проста павольна п’ю гарбату, седзячы ў піжаме на адкрытай тэрасе з відам на лес, атрымліваю асалоду ад прыроды і разважаю пра жыццё».</div>
  <div><br /></div>
  <div><strong>Самае галоўнае пачуццё на свеце — пачуццё мацярынства</strong></div>
  <div><br /></div>
  <div>Сёння Кацярына — мама двух цудоўных дзетак: Іларыі і Давіда. «Нягледзячы на тое, што ў сілу пэўных жыццёвых абставін, я выхоўваю дзяцей адна, я ўдзячна ім за тое, што даравалі мне самае галоўнае пачуццё на свеце — пачуццё мацярынства», — прызнаецца тэлевядучая.</div>
  <div><br /></div>
  <div>«Калі нарадзілася старэйшая дачка, пэўным чынам змянілася мая свядомасць. Вельмі хацелася ёй, яшчэ немаўляці, паказаць свет. Удваіх мы пабывалі на Сэйшэлах, у Грэцыі, Чарнагорыі. Са з’яўленнем сына, жыццё стала больш размераным. </div>
  <div><br /></div>
  <div>Скажу шчыра, раней я баялася пытанняў выхавання хлопчыка, лічыла, што гэтым павінен займацца мужчына. Але ж у пэўны момант зразумела: калі я не магу замяніць Давіду тату, мая задача стаць для яго проста мамай, якая любіць і паважае свайго сына. Зваротная рэакцыя не прымусіла сябе доўга чакаць. Ужо ў 4 гады Давід спрабаваў частаваць мяне кавай, а ўлетку заўсёды збірае і дорыць букеты з палявых кветак. Зараз яму 5 гадоў, і я атрымліваю асалоду ад гутарак з ім пра жыццё. Мой сын многаму мяне вучыць і, перш за ўсё, як пачуць мужчыну», — дзеліцца Кацярына. </div>
  <div><br /></div>
  <div>Нягледзячы на тое, што ўсе члены сям’і эмацыянальна розныя, яны вельмі прывязаныя адзін да аднаго. Дзеці ніколі не пойдуць спаць без мамы. Ім вельмі важна адчуваць яе побач, абдымаць і цалаваць. За гэтую безумоўную любоў Кацярына стараецца быць для іх самай лепшай у свеце. І асабістым прыкладам вучыць сваіх дзяцей слухаць і паважаць адзін аднаго, а таксама быць адказнымі за свае ўчынкі.</div>
  <div><br /></div>
  <div><strong>Жанчына і мужчына — адзінае цэлае</strong></div>
  <div><br /></div>
  <div>«Жанчыны ўнікальныя ад прыроды. Мы можам вельмі многае: нараджаць дзяцей, уладкоўваць побыт, праводзіць аналітычную работу і нават зарабляць добрыя грошы. Але ж для кожнай з нас важна, каб яе любілі, шанавалі, захапляліся, дапамагалі. І тут роля мужчыны, сапраўды, велізарная. Без яго падтрымкі мы губляем сваю жаночую прыроду, сваю неверагодную энергетычную моц, здольную тварыць цуды. І ад гэтага, перш за ўсё, пакутуюць нашы дзеці», — адзначае Кацярына.</div>
  <div><br /></div>
  <div>На жаль гістарычна склалася так, што доўгі час мужчына абмяжоўваў праяўленне талентаў і здольнасцей жанчыны, каб даказаць усяму свету сваю перавагу. «Але ж узаемаадносіны — гэта не падаўленне адзін аднаго і не спаборніцтвы, хто лепшы. Жанчына і мужчына патрэбны адзін аднаму, бо менавіта разам яны ўтвараюць адзінае гарманічнае цэлае. Вельмі важна ведаць псіхалогію абодвух бакоў. Толькі ў гэтым выпадку мы зможам свядома ўзаемадзейнічаць і будаваць моцныя саюзы», — падсумоўвае Кацярына.</div>
  <div><br /></div>
  <div><strong>Шчасце любіць шчырасць </strong></div>
  <div><br /></div>
  <div>Шчасце не любіць цішыню, шчасце любіць шчырасць. Да гэтай высновы Кацярына прыйшла, дзякуючы пэўнаму жыццёваму вопыту. Жанчына — гэта цэлы Сусвет, які існуе па сваім філасофскім законам. І часам патрэбны вялікі адрэзак жыцця, каб у першую чаргу самой жанчыне зразумець, што для яе значыць шчасце тут і зараз. «Дзякуючы свайму жыццёваму досведу і пастаяннай рабоце над сабой, я змагла выйсці за межы пэўных жыццёвых абставін і адчуць сябе па-сапраўднаму шчаслівай. Зараз я ўпэўнена: маё шчасце не павінна залежаць ад іншых людзей. Маё шчасце залежыць толькі ад мяне», — упэўнена Кацярына.</div>
  <div><br /></div>
  <div>«Напачатку вясны ў гэты цудоўны святочны дзень жадаю ўсім жанчынам жыць у любові і камфорце. Слухаць сваё сэрца і душу, ісці толькі за імі і быць удзячнымі за тое, што маеце сёння! Нашым дарагім матулям і бабулям я жадаю моцнага здароўя, пяшчоты і ўвагі блізкіх людзей. Дзякуй вясне за яркія фарбы і натхненне!»</div>
  <div><br /></div>
  <div>Кацярына Тумас-Цішкевіч<br /><a href="http://www.zviazda.by/" target="_blank">Звязда</a>, 7 сакавіка 2021</div><br /><br />Ссылка на источник:<a href="">Тэлевядучая Кацярына Валовік: Маё шчасце залежыць толькі ад мяне!</a></div>

КонтактыЗаконодательствоНаши баннерыДобавить в избранноеПолезные ссылкиО проекте

Разработка сайта: веб-студия творческой группы "Весна".

Сделано Весной