Выставачны фотапраект пра Беларусь як пра шматнацыянальную дзяржаву плануе падрыхтаваць Нацыянальны гістарычны музей.

"Хочацца зрабіць такі праект у Беларусі, таму што тэма вельмі актуальная. У Беларусі, як і ў Расіі, ёсць магчымасць рэалізоўваць сябе незалежна ад нацыянальнасці і веравызнання.

Самаўдасканаленне людзей розных нацый адбываецца без аглядкі, мірна і камфортна", - сказаў Алег Рыжкоў. Ідэя такога праекта ўзнікла дзякуючы адкрыццю выстаўкі "Расія шматнацыянальная" ў Нацыянальным гістарычным музеі Беларусі, у экспазіцыі якой можна ўбачыць 37 гісторый людзей розных нацый з усіх куткоў Расіі.

Расказваючы пра выстаўку "Расія шматнацыянальная", генеральны дырэктар Федэральнай яўрэйскай нацыянальна-культурнай аўтаноміі Яўгенія Міхалева адзначыла: "Нацыянальнасць - гэта людзі. І яны ганарацца тым, што яны грамадзяне сваёй краіны і прадстаўнікі сваёй нацыянальнасці. І лёс кожнага чалавека - частка лёсу яго краіны".

"Міжнацыянальны і міжканфесійны мір - важная тэма ў наш няпросты час. І такія праекты маюць уклад у міжнародную дыпламатыю", - адзначыла саветнік пасольства Расіі ў Беларусі Маргарыта Навадворская. Выставачны фотапраект "Расія шматнацыянальная" пройдзе ў Нацыянальным гістарычным музеі Беларусі з 8 па 24 ліпеня.

7 ліпеня 2016, Мінск
БЕЛТА