У Еўрапейскі дзень кліматычнай дыпламатыі, які азначаецца 17 чэрвеня, пасольства Францыі ў Беларусі сумесна з прадстаўніцтвам Еўрапейскай камісіі ў Мінску і пасольствамі краін ЕС плануюць правесці велапрагулку ў Мінску. 

"Велапрабег пройдзе на мінскай веладарожцы ў раёне Лошыцкага парку з 10.00 да 12.00. Плануецца, што ў час мерапрыемства таксама пройдуць тэматычныя гутаркі аб клімаце і ахове навакольнага асяроддзя з прадстаўнікамі розных пасольстваў, адбудзецца невялікая экскурсія па самому парку", - расказалі ў пасольстве.

У прадстаўніцтве Францыі ў Беларусі дадалі, што мерапрыемства будзе адкрытым для ўсіх жадаючых, але кожны ўдзельнік павінен паклапаціцца аб уласным веласіпедзе. Галоўная мэта гэтага велапрабегу - прыцягнуць увагу грамадства да праблемы забруджвання навакольнага асяроддзя і кліматычных змяненняў.

9 чэрвеня 2015, Мінск
БЕЛТА