Сваю выставу, якая праходзiць зараз у Палацы культуры прафсаюзаў, мастак Сяргей Крыштаповiч планаваў прысвяцiць 25-годдзю з дня трагедыi на Чарнобыльскай АЭС i 65-годдзю трагедыi ў Хiрасiме i Нагасакi. Але абставiны вясны-2011 змянiлi задуму аўтара: дадалiся трагедыя Фукусiмы i выбух у мiнскiм метро.
Выстава «Крок да Сонца» прэзентавана у двух каталогах сiмвалiчных колераў: чорнага i белага. Чорны — тэхнагенная катастрофа, выкрыццё зла, змаганне за лёс дзяцей i краiны. У белым — яркiя колеры, жыццесцвярджальныя матывы. Крыштаповiч запэўнiвае, што жыццё пераможа.
Дарэчы, Сяргей Крыштаповiч у наступным месяцы будзе ладзiць акцыю «Дапамога Сонцу», грошы ад якой пойдуць на дапамогу японскiм дзецям. На думку мастака, толькi беларускi i японскi народ могуць насамрэч зразумець поўны маштаб трагедый ядзерных выбухаў. Таму мы павiнны падтрымлiваць адзiн аднаго.
Вiкторыя Церашонак,
Рэспубліка23 красавіка 2011
