Vinexad - вядучая структура В`етнама па арганізацыі выставак агульнанацыянальнага і галіновага характару. В`етнамскія прадстаўнікі адзначылі актыўны ўдзел Беларусі ў статусе ганаровага госця ў выстаўцы Vietnam Expo 2022, якая прайшла ў Ханоі 13-16 красавіка 2022 года. Яны расказалі аб тым, што ў в`етнамскіх сродках масавай інфармацыі шырока асвятлялася работа беларускай дэлегацыі на экспазіцыі.

У ходзе сустрэчы былі абмеркаваны перспектывы пашырэння ўдзелу беларускіх суб`ектаў гаспадарання ў спецыялізаваных і ўніверсальных міжнародных выставачна-кірмашовых мерапрыемствах, якія праводзяцца кампаніяй Vinexad у Ханоі і Хашыміне, што садзейнічаюць развіццю двухбаковага гандлю паміж Беларуссю і В`етнамам.

Старшыня народнага камітэта (урада) правінцыі Лаакай В`етнама Чынь Суан Чыонг у гэты ж дзень прыняў удзел у міжнародным форуме Брэст-2022, праведзеным у фармаце відэаканферэнцыі, і заклікаў актыўней выкарыстоўваць патэнцыял развіцця гандлёва-эканамічных сувязей паміж рэгіёнамі Беларусі і В`етнама.

19 мая 2022, Мінск
БЕЛТА