"Карове трэба паставіць помнік. Дзякуючы карове партызаны выжывалі і дзеткі. Пасля вайны дзякуючы карове мы выжылі. І цяпер яна нас корміць. Карова - гэта святое. Для мяне гэта святое", - сказаў беларускі лідар.

У час наведвання прадпрыемства на практыцы ААТ "Парахонскае" падрабязна абмеркавалі тэму нарыхтоўкі і забеспячэння захаванасці кармоў, што дае магчымасць забяспечваць высокаэфектыўную вытворчасць. Аляксандр Лукашэнка таксама расказаў аб карове ў сваёй падсобнай гаспадарцы, якую яму не так даўно падарылі з Брэсцкай вобласці. У яе былі настолькі высокія надоі, што было вырашана нават скарэктаваць жывёле рацыён, каб знізіць нагрузку.

4 кастрычніка 2024, Мінск
БЕЛТА