Пасяджэнне міжурадавай беларуска-казахстанскай камісіі па гандлёва-эканамічным супрацоўніцтве прайшло ў Нур-Султане пад старшынствам першага намесніка прэм`ер-міністра Беларусі Аляксандра Турчына і намесніка прэм`ер-міністра Казахстана Рамана Скляра.

Удзельнікі пасяджэння абмеркавалі ход рэалізацыі дарожнай карты развіцця двухбаковага супрацоўніцтва паміж урадамі Беларусі і Казахстана на 2019-2020 гады, разгледзелі пытанні пашырэння прамысловай кааперацыі і функцыянавання сумесных зборачных вытворчасцей.

Размова ішла і аб перспектывах двухбаковага ўзаемадзеяння ў сферы сельскай гаспадаркі, транспарту і лагістыкі, навукі і тэхналогій, адукацыі.

Па выніках абмеркаванняў Аляксандр Турчын і Раман Скляр падпісалі пратакол пасяджэння.

9 кастрычніка 2019, Мінск
БЕЛТА