Краінавая прэзентацыя Рэспублікі Беларусь адбылася 27 сакавіка ў гандлёва-прамысловай палаце горада Дубай (Аб`яднаныя Арабскія Эміраты).
Арганізатары мерапрыемства - Беларуская гандлёва-прамысловая палата сумесна з пасольствам Рэспублікі Беларусь у Аб`яднаных Арабскіх Эміратах. Прэзентацыя была прадстаўлена для эмірацкіх дзелавых і бізнес-колаў.
Удзельнікі азнаёміліся з эканамічнай сітуацыяй у Беларусі, інвестыцыйнымі магчымасцямі краіны. Адбылася прэзентацыя прамысловай, нафтахімічнай галін і магчымасцей для турыстычнай дзейнасці ў Беларусі.
У складзе беларускай дэлегацыі былі прадстаўнікі БелГПП, міністэрстваў эканомікі і прамысловасці, Нацыянальнага агенцтва інвестыцый і прыватызацыі, Нацыянальнага агенцтва па турызму, ААТ "Нафтан".
27 сакавіка 2013, Мінск
БЕЛТА
