https://www.kurs.kz/ - Курсы валют в обменных пунктах г. Алматы и других городах Казахстана
 


 


Найти
 
 


Румас і Мішусцін абмеркавалі гатоўнасць да падпісання пагаднення аб змяненні працэнтаў па крэдыце на БелАЭС


Аб гэтым паведамілі ў прэс-службе беларускага ўрада.
Прэм`ер-міністр Беларусі Сяргей Румас і старшыня ўрада РФ Міхаіл Мішусцін у тэлефоннай размове абмеркавалі ход будаўніцтва Беларускай АЭС і гатоўнасць да падпісання міжурадавага пагаднення аб змяненні працэнтнай стаўкі па крэдыце на будаўніцтва атамнай электрастанцыі.

Бакі абмеркавалі бягучую эпідэміялагічную сітуацыю ў свеце і абмяняліся думкамі адносна мер, якія прымаюцца ў дзвюх краінах для папярэджання распаўсюджвання COVID-19. Дамовіліся, што міністэрствы аховы здароўя Беларусі і Расіі будуць абменьвацца досведам у барацьбе з новай каранавіруснай інфекцыяй.

Сяргей Румас і Міхаіл Мішусцін закранулі газавую тэматыку. Міністрам энергетыкі дзвюх краін будзе дадзена даручэнне прадоўжыць перагаворы па пытанні цэнаўтварэння на газ для Беларусі.

Кіраўнікі ўрадаў закранулі інтэграцыйны парадак дня. У прыватнасці, чарговае пасяджэнне Еўразійскага міжурадавага савета прапанавана правесці ў сярэдзіне ліпеня 2020 года ў Мінску.

Бакі таксама абмеркавалі парадак дня пасяджэння Савета Міністраў Саюзнай дзяржавы і дамовіліся аб яго правядзенні ў Мінску пасля пасяджэння Еўразійскага міжурадавага савета.

У час размовы закраналіся і іншыя пытанні двухбаковага ўзаемадзеяння.

"Сяргей Румас выказаў удзячнасць свайму расійскаму калегу за аператыўнае вырашэнне пытання аб павелічэнні паставак грэцкіх круп у Беларусь у перыяд павышанага попыту", - адзначылі ў прэс-службе.

27 мая 2020, Мінск
БЕЛТА
 
Дата публикации:27.05.2020
Тематика:ЕАЭС, Экономика
Просмотров:30
 
Ключевые слова:
Беларусь-Россия Энергетика Ценообразование Белорусская АЭС Газ
 
 


Комментарии



 



Другие новости по этой теме