Кансультатыўны камітэт па мытным рэгуляванні Еўразійскай эканамічнай камісіі (ЕЭК) працуе над вызначэннем крытэрыяў тавару Еўразійскага саюза. 8 ліпеня ў Маскве адбылося 23-е пасяджэнне камітэта пад старшынствам члена міністра ЕЭК па мытным супрацоўніцтве Уладзіміра Гошына, 

"Цяпер не існуе адзінага пераліку ўмоў, якія неабходна выканаць вытворцу пры перапрацоўцы тавараў з замежнай сыравіны і камплектуючых для прызнання іх таварамі саюза з усімі неабходнымі прэферэнцыямі. Вытворцы арыентуюцца на патрабаванні, прапісаныя ў нацыянальных заканадаўствах, а яны ў кожнай краіне розныя, — паведаміў Гошын. — Наша задача — забяспечыць роўныя ўмовы для вытворцаў усіх краін саюза. Лічым, што гэтая мера таксама паспрыяе павышэнню ўзроўню лакалізацыі вытворчасці ў дзяржавах — членах ЕАЭС". 

Акрамя таго, Гошын звярнуў увагу на няроўнасць умоў у Еўразійскім саюзе для ўдзельнікаў знешнеэканамічнай дзейнасці. "Аналіз усярэдненых вартасных паказчыкаў па таварах, што імпартуюцца ў дзяржавы — члены Еўразійскага эканамічнага саюза, паказаў, што дыяпазон цэн, па якіх нацыянальнымі мытнымі адміністрацыямі выпускаецца шэраг адных і тых жа ўвазных харчовых тавараў, паміж краінамі ЕАЭС велізарны", — заявіў ён. 

Паводле слоў Гошына, мытныя органы бачаць у гэтым перадумовы для ператокаў імпарту тавараў, а таксама зніжэння ўзроўню паступленняў ад выплаты мытных пошлін.

Аляксей Аляксандраў, БелаПАН
Мінск, 10 ліпеня 2014