https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Кампаніі Беларусі і Казахстана падпісалі шэраг дакументаў аб супрацоўніцтве на аграрным форуме ў Алматы "Казахстан - Беларусь"


Аб гэтым паведамілі на выставачным прадпрыемстве "Белінтэрэкспа" Беларускай гандлёва-прамысловай палаты.
"Аграрны форум вельмі актуальны, прычым не толькі для Беларусі, але і для Казахстана, - сказаў у ходзе мерапрыемства першы намеснік міністра сельскай гаспадаркі і харчавання Ігар Брыло. - Асартымент пастаўляемай у гэту краіну беларускай прадукцыі пастаянна пашыраецца, таму важна сустракацца з гандлёвымі агентамі, якія папулярызуюць нашы тавары на гэтым вялікім рынку".

У ліку падпісаных дакументаў - кантракт паміж Рагачоўскім малочнакансервавым камбінатам і прадпрыемствам "Еўразія ДС" на пастаўку малочных кансерваў, пагадненне аб супрацоўніцтве ў галіне племянной жывёлагадоўлі паміж Беларускім дзяржаўным аб`яднаннем па племянной жывёлагадоўлі "Белплемжыўаб`яднанне" і кампаніяй "Олжа Агра", мемарандумы аб намерах і дагавор на распрацоўку праектнай дакументацыі.

Правядзенне форуму прымеркавана да нацыянальнай экспазіцыі Беларусі на 23-й цэнтральна-азіяцкай міжнароднай выстаўцы "Харчовая прамысловасць" (FoodExpo Qazaqstan), якая праходзіць у горадзе Алматы з 3 па 5 лістапада. У ім прынялі ўдзел 11 беларускіх прадпрыемстваў: вытворцы мясной прадукцыі - Гродзенскі, Глыбоцкі і Магілёўскі мясакамбінаты, а таксама вядучыя малочныя брэнды рэспублікі "Бабуліна крынка", "Малочны гасцінец", Слуцкі сыраробны камбінат, Полацкі малочны камбінат, Рагачоўскі, Лепельскі, Глыбоцкі малочнакансервавыя камбінаты.

У час мерапрыемства абмяркоўваліся пытанні гандлёва-эканамічнага супрацоўніцтва дзвюх краін у аграпрамысловай сферы і вытворчасці гатовай прадукцыі, узнімалася тэма сыравіннай базы для сельскай гаспадаркі Казахстана і Беларусі, разглядаліся магчымасці інавацыйных механізмаў фінансавання АПК і сектара вытворчасці гатовай прадукцыі. Акрамя таго, бакі гаварылі аб інструментах падтрымкі экспарту прадукцыі, патрабаваннях гандлёвых сетак да пастаўшчыкоў, прыводзілі прыклады паспяховага супрацоўніцтва навукоўцаў і работнікаў вытворчасці.

5 лістапада 2021, Мінск
БЕЛТА
 
Дата публикации:05.11.2021
Тематика:ЕАЭС, Экономика
Просмотров:326
 
Ключевые слова:
Товары из Беларуси Продовольственная безопасность Казахстан FoodExpo Qazaqstan Выставка Агропромышленный комплекс
 
 


Комментарии



 



Другие новости по этой теме