Па выніках перагавораў у Карачы дзеючы афіцыйны дылер МТЗ – кампанія Shanzad Trade Link прыняла на сябе абавязацельствы развіваць продажы трактарнай тэхнікі BELARUS і запасных частак да яе. У наступным годзе плануецца прадаць не менш як 3 тыс. трактароў.

У прэс-службе адзначылі, што ў бягучым годзе Shanzad Trade Link арганізавала продажы трактароў МТЗ серыі 800, а таксама пачала пастаўку новай мадыфікацыі трактароў серыі 500 з сілавым рэгулятарам. "Гэта дасць магчымасць развіць рэгіянальныя продажы і ўвайсці ў новыя сегменты рынку", - падкрэслілі на прадпрыемстве.

Акрамя таго, у Лахоры Віталь Воўк сустрэўся яшчэ з адным партнёрам у Пакістане - кампаніяй Fecto Belarus Tractors (Private) Limited, з якой таксама падпісаны камерцыйны кантракт на пастаўку трактароў BELARUS на больш як 1,5 тыс. адзінак.

Мінскі трактарны завод - адзін з буйнейшых вытворцаў сельскагаспадарчай тэхнікі ў свеце. МТЗ вядзе актыўную дзейнасць на рынках больш як 60 дзяржаў і мае зборачныя вытворчасці ў розных кутках планеты.

14 снежня 2021, Мінск
БЕЛТА