Выступаючы перад удзельнікамі мерапрыемства, міністр абазначыў важнасць лічбавых ініцыятыў для развіцця дзяржаў і больш прадметна спыніўся на пытанні фармавання тэхналогій разумных гарадоў, якія выступаюць на сучасным этапе драйверам росту тэрытарыяльнага патэнцыялу.

Таксама ў рабоце медыякалегіі прынялі ўдзел намеснік міністра лічбавага развіцця, сувязі і масавых камунікацый Расіі Максім Паршын, міністр высокатэхналагічнай прамысловасці рэспублікі Арменія Ваагн Хачатран, дырэктар Фонду лічбавых ініцыятыў Еўразійскага банка развіцця Аляксандр Пятроў і іншыя.

У рамках мерапрыемства ўдзельнікі абмеркавалі выклікі і дасягненні лічбавай эканомікі краін-партнёраў на Еўразійскай прасторы, напрамкі ўзаемавыгаднага супрацоўніцтва праз лічбавую супольнасць, пытанні фармавання лічбавага асяроддзя і лічбавізацыі ў краінах ЕАЭС, падтрымкі нацыянальнай IT-галіны, а таксама прыцягнення інвестыцый у развіццё лічбавых праектаў у ключавых галінах эканомікі і сацыяльнай сферы.

Як адзначылі ў Мінсувязі, значная ўвага была ўдзелена пытанням інфармацыйнай бяспекі ў працэсе лічбавай трансфармацыі эканомік і фарміравання агульнай лічбавай прасторы.

26 кастрычніка 2021, Мінск
БЕЛТА