Праз некаторы час яго знайшлі мёртвым пад вокнамі будынка, паведамляе Telegram-канал Следчага камітэта Рэспублікі Беларусь.

Паведамляецца, што ўвечары 27 снежня група студэнтаў, сярод якіх быў і 18-гадовы загінулы, сабралася ў адным з пакояў на 5-м паверсе інтэрната на вул. Свярдлова. Маладыя людзі распівалі алкаголь і забаўляліся, фатаграфуючыся ў адчыненых вокнах.

- Адзін са студэнтаў, які захапляўся паркурам, пры гэтым забраўся на фасад і вярнуўся назад. Адпаведныя фатаграфіі канфіскаваныя і далучаныя да матэрыялу праверкі, - распавялі ў Следчым камітэце.

Падчас чарговай фотасесіі на падаконніку хлопец знік з вачэй. Сябры знайшлі яго ўнізе пад вокнамі інтэрната.

Па факце гібелі студэнта Кастрычніцкі (г. Мінска) раённы аддзел Следчага камітэта праводзіць праверку. Абставіны здарэння высвятляюцца.

Звязда, 28 снежня 2018