Па выніках 12 гонак (шасці кваліфікацыйных і шасці фінальных) сума ачкоў Мікіты Цыркуна ў юнацкай узроставай групе склала 103 без уліку рэзультатаў дзвюх горшых гонак. Яшчэ адзін прадстаўнік Беларусі ў класе "RS:X" Арцём Джавадаў размясціўся тут на 13-м радку падагульняючага пратакола (114 ачкоў). Золата заваяваў прадстаўнік Ізраіля Яаў Амер (61), серабро - аргенцінец Франсіска Саўбідэт Біркнер (63), бронзу - спартсмен з Францыі Цітуан Ле Боск (73).
Сваіх рэзультатаў у Гдыні юныя беларускія спартсмены дасягнулі ў саперніцтве з амаль сотняй віндсёрфераў з розных краін.
