У паядынку 1/32 фіналу 16-гадовая мінчанка перамагла прадстаўніцу Францыі Эліджу Інісан - 6:2, 6:4, а ў матчы другога круга яе саперніцай будзе шведка Леа Нільсан. У асноўную сетку Юлія Перапехіна прабілася праз кваліфікацыю, абыграўшы венгерскую тэнісістку Міленду Біра - 6:4, 6:0 і ўкраінку Марыю Дробышаву - 6:2, 6:1. У мінулыя гады беларускія тэнісісткі двойчы выйгравалі аўстралійскае першынство сярод дзяўчат - Вікторыя Азаранка (2005) і Вера Лапко (2016).
У галоўным турніры адкрытага чэмпіянату Аўстраліі яго дзеючая пераможца першая ракетка свету беларуска Арына Сабаленка заўтра правядзе паядынак за выхад у чвэрцьфінал супраць расіянкі Міры Андрэевай, якая займае 15-е месца ў рэйтынгу WTA. Да гэтага Сабаленка абыграла амерыканку Слоан Стывенс (81-ы нумар сусветнага рэйтынгу), іспанку Джэсіку Бузас Манейра (54) і датчанку Клару Таўсан (42). Арына Сабаленка выйгравала чэмпіянат Аўстраліі двойчы запар - у 2023 і 2024 гадах.
Яшчэ адна двухразовая чэмпіёнка Australian Open беларуска Вікторыя Азаранка (24) прайграла ў стартавым паядынку італьянскай тэнісістцы Лючыі Бранцэці (76). Азаранка перамагала ў Мельбурне ў 2012 і 2013 гадах.
