Максім Мірны (28-е месца ў парным рэйтынгу) і яго новы партнёр іспанец Фелісіяна Лопес (124; 37-е ў адзіночным) у ноч на 1 сакавіка выйшлі ў фінал тэніснага турніру ў Акапулька (Мексіка) з прызавым фондам 1.309.770 долараў ЗША.
У першым крузе Мірны і Лопес выйгралі ў Іва Карлавіча (Харватыя, 260) і Давіда Марэра (Іспанія, 7) — 6:4, 7:5, у другім узялі верх над "пасеянымі" пад першым нумарам палякам Лукашам Кубатам (20) і шведам Робертам Ліндстэтам (8) — 6:3, 6:4, а ў трэцім былі мацнейшымі за філіпінца Трыта Хея (25) і брытанца Дамініка Інглата (29) — 7:6 (7:2), 6:1.
У вырашальным матчы беларуска-іспанскі дуэт сустрэнецца з пераможцамі паўфіналу Кевін Андэрсан (ПАР, 805-ты ў парным, 21-шы ў адзіночным разрадзе) / Мэцью Эбдан (Аўстралія, 221) — Сезар Рамірэс (Мексіка, 821) / Міхель-Анхель Рэес-Варэла (Мексіка, 496).
Для Мірнага гэта будзе 90-ты фінал на турнірах АТП у парным разрадзе. 48 з іх ён выйграў.
Дзмітрый Уласаў,
БелаПАНМінск, 1 сакавіка 2014
