Рашэнне аб стварэнні рабочай групы высокага ўзроўню па пытаннях паглыблення супрацоўніцтва з Мытным саюзам і Адзінай эканамічнай прасторай прынята на пасяджэнні Кабінета міністраў Украіны 25 сакавіка.
Паводле звестак прэс-службы ўрада, група створана "з мэтай падрыхтоўкі і рэалізацыі мерапрыемстваў, скіраваных на паглыбленне супрацоўніцтва з Мытным саюзам і Адзінай эканамічнай прасторай Рэспублікі Беларусь, Рэспублікі Казахстан, Расійскай Федэрацыі, стварэння спрыяльных умоў для павелічэння тавараабароту, паляпшэння гандлёвага балансу, пашырэння кааперацыйных сувязяў, прыцягенння інвестыцый і інавацый у рэальны сектар эканомікі".
Кіраўніком рабочай групы прызначаны віцэ-прэм`ер Юрый Бойка. Зацверджаны персанальны склад рабочай групы, у якую ўвайшлі 10 чалавек.
Раней Расія неаднаразова прапаноўвала Кіеву ўвайсці ў Мытны саюз, абяцаючы ўзамен зніжэнне цэн на энерганосьбіты і спрыяльныя ўмовы для ўзаемнага гандлю.
Дзмітрый Уласаў,
БелаПАНМінск, 25 сакавіка 2013
