Эксперымент стартуе 19 снежня і ўключае 21 установу адукацыі: 15 гарадскіх школ і гімназій і 6 школ у сельскіх населеных пунктах. Яго мэта - апрабаваць новыя тэхналогіі гатавання ежы і прынцыпы арганізацыі школьнага харчавання для далейшага прымянення станоўчага вопыту.
У сельскіх школах захоўваецца існуючы парадак прыёму ежы: другое снеданне, абед і пры неабходнасці полудзень. Гэта прапанова заснавана на разуменні, што ў сельскія школы дзяцей падвозяць, пры гэтым паміж дамашнім харчаваннем і харчаваннем у школе значныя часавыя перапынкі.
У гарадскіх школах прапанавана не пачынаць дзень са снедання. Школьнікі, як правіла, жывуць у крокавай даступнасці ад установы адукацыі і дзіця, прыйшоўшы з дома ў школу, ужо паснедала. І калі яно пачынае харчавацца адразу пасля першага або другога ўрока, то жаданне есці ў яго невялікае.
Міністэрства адукацыі вырашыла правесці эксперымент, каб у горадзе перайсці ад снедання да абеду, які будзе пачынацца прыкладна пасля 3,5 гадзіны ад пачатку работы ўстановы адукацыі (напрыклад, у 11.30). Пры гэтым санітарныя патрабаванні па часе прыёму ежы не парушаюцца. Абед плануецца рабіць больш сытным, чым другое снеданне.
У прэс-службе адначылі, што эксперыментальныя рацыёны харчавання складаюцца з улікам новых страў, эксперыментальных норм харчавання, распрацаваных Міністэрствам аховы здароўя.
Плануецца сістэмнае анкетаванне вучняў і бацькоў па смакавых прыхільнасцях, якасці харчавання і іншых пытаннях арганізацыі харчавання. Па выніках плануецца аператыўна рэагаваць на заўвагі ўдзельнікаў анкетавання і прымаць гібкія рашэнні па прадаўжэнні ходу эксперымента.
Пры гэтым харчаванне застаецца рацыянальным і збалансаваным, падкрэслілі ў Міністэрстве адукацыі. Нязменнымі таксама будуць плата бацькоў за прыёмы ежы і льготы пры прадастаўленні харчавання.
