"У вучэбнай дзейнасці закладзены вялікі выхаваўчы патэнцыял. Кожная дысцыпліна аказвае значны ўплыў на фармаванне светапогляду дзяцей і моладзі, іх грамадзянска-патрыятычных і ідэйна-маральных якасцей", - сказаў Эдуард Тамільчык.

Сёння робяцца спробы перапісаць гісторыю, абясцэніць уклад савецкага народа ў Перамогу над фашызмам. Аснова ў процістаянні фальсіфікацыям - гістарычная навука.

"Вывучэнню Другой сусветнай і Вялікай Айчыннай войнаў ва ўстановах агульнай сярэдняй адукацыі ўдзяляецца вялікая ўвага. Вучэбныя праграмы па прадметах "Чалавек і свет. Мая Радзіма - Беларусь", "Сусветная гісторыя", "Гісторыя Беларусі" прадугледжваюць вывучэнне гэтых пытанняў у 4-м, 9-м і 10-м класах, - адзначыў начальнік упраўлення. - На вучэбных занятках школьнікі знаёмяцца з гераізмам і патрыятызмам савецкіх людзей у пачатку Вялікай Айчыннай вайны, подзвігам савецкіх воінаў у час вызвалення БССР ад германскіх захопнікаў, партызанскай і падпольнай дзейнасцю на акупаванай тэрыторыі Беларусі, укладам беларускага народа ў перамогу над нацысцкай Германіяй".

Паводле слоў Эдуарда Тамільчыка, вучэбныя праграмы па гісторыі Беларусі ўключаюць правядзенне ўрокаў "Наш край". "Яны накіраваны на вывучэнне краязнаўчага матэрыялу, які дае магчымасць выявіць асаблівасці гістарычнага развіцця рэгіёна, у якім пражываюць вучні. Для правядзення ўрокаў выкарыстоўваюцца гісторыка-дакументальныя хронікі "Памяць", матэрыялы краязнаўчых музеяў, у тым ліку школьных, публікацыі ў мясцовай перыядычным друку", - дадаў ён.

Пытанні па гісторыі Вялікай Айчыннай вайны ўключаны ў білеты для правядзення абавязковага выпускнога экзамену па вучэбным прадмеце "Гісторыя Беларусі" ў 11-м класе.

21 красавіка 2020, Мінск
БЕЛТА