У беларускіх ВНУ ў бягучым годзе павялічваюць колькасць бюджэтных месцаў на медыцынскія спецыяльнасці. Платных таксама стане больш - за кошт ІТ.
Рэма Герлоўская адзначыла, што аб`ёмы падрыхтоўкі ў 2019 годзе крыху павялічаны ў параўнанні з мінулым годам. "На бюджэт павялічылі прыкладна на 200 месцаў, у асноўным за кошт медыцынскіх спецыяльнасцей", - сказала яна, растлумачыўшы, што размова ідзе аб медыка-прафілактычнай, медыка-дыягнастычнай справе, стаматалогіі, педыятрыі.
Акрамя таго, у ВНУ павялічылі колькасць бюджэтных месцаў на спецыяльнасці фізкультуры і спорту, спартыўна-педагагічнай дзейнасці. Колькасць платных месцаў вырасла за кошт IT-спецыяльнасцей.
"Тут даволі вялікі прырост - больш як 650 месцаў", - адзначыла прадстаўнік Мінадукацыі.
У цэлым у Беларусі ў бягучым годзе плануецца прыняць больш за 54,5 тыс. абітурыентаў. На ўзровень сярэдняй спецыяльнай адукацыі набор таксама павялічаны. У прыватнасці, на дзённае бюджэтнае аддзяленне - больш як на 500 месцаў, у асноўным на медыцынскія спецыяльнасці. Усяго ў каледжы плануецца прыняць 40,4 тыс. абітурыентаў. Уступная кампанія бягучага года пройдзе без сур`ёзных змяненняў.
Некаторыя новаўвядзенні чакаюцца ў ВНУ. Напрыклад, у БДУ ў бягучым годзе ўпершыню будуць набіраць студэнтаў у інстытут, створаны сумесна з Даляньскім політэхнічным універсітэтам.
Акрамя таго, у Белдзяржуніверсітэце ўпершыню за доўгі час вернуцца да вячэрняй формы навучання. Такую групу набяруць на бізнес-адміністраванне ў Інстытуце бізнесу. У БДУІР на ваенны факкультэт у бягучым годзе ўпершыню плануюць прымаць дзяўчат.
5 чэрвеня 2019, Мінск
БЕЛТА
Рэма Герлоўская адзначыла, што аб`ёмы падрыхтоўкі ў 2019 годзе крыху павялічаны ў параўнанні з мінулым годам. "На бюджэт павялічылі прыкладна на 200 месцаў, у асноўным за кошт медыцынскіх спецыяльнасцей", - сказала яна, растлумачыўшы, што размова ідзе аб медыка-прафілактычнай, медыка-дыягнастычнай справе, стаматалогіі, педыятрыі.
Акрамя таго, у ВНУ павялічылі колькасць бюджэтных месцаў на спецыяльнасці фізкультуры і спорту, спартыўна-педагагічнай дзейнасці. Колькасць платных месцаў вырасла за кошт IT-спецыяльнасцей.
"Тут даволі вялікі прырост - больш як 650 месцаў", - адзначыла прадстаўнік Мінадукацыі.
У цэлым у Беларусі ў бягучым годзе плануецца прыняць больш за 54,5 тыс. абітурыентаў. На ўзровень сярэдняй спецыяльнай адукацыі набор таксама павялічаны. У прыватнасці, на дзённае бюджэтнае аддзяленне - больш як на 500 месцаў, у асноўным на медыцынскія спецыяльнасці. Усяго ў каледжы плануецца прыняць 40,4 тыс. абітурыентаў. Уступная кампанія бягучага года пройдзе без сур`ёзных змяненняў.
Некаторыя новаўвядзенні чакаюцца ў ВНУ. Напрыклад, у БДУ ў бягучым годзе ўпершыню будуць набіраць студэнтаў у інстытут, створаны сумесна з Даляньскім політэхнічным універсітэтам.
Акрамя таго, у Белдзяржуніверсітэце ўпершыню за доўгі час вернуцца да вячэрняй формы навучання. Такую групу набяруць на бізнес-адміністраванне ў Інстытуце бізнесу. У БДУІР на ваенны факкультэт у бягучым годзе ўпершыню плануюць прымаць дзяўчат.
5 чэрвеня 2019, Мінск
БЕЛТА
