Тры срэбныя медалі заваявалі беларускія школьнікі на алімпіядзе iGeo ў Квебеку

Уладальнікам медалёў стала беларуская каманда з выпускнікоў гімназіі нумар 2 Віцебска, Мінскага абласнога ліцэя, гімназіі нумар 1 Брэста, расказалі ў прэс-цэнтры Мінадукацыі.

У праграму алімпіяды былі ўключаны тры асноўныя спаборніцкія этапы: тэарэтычны, палявы і мультымедыйны. Афіцыйная мова iGeo - англійская.

Алімпіяда праходзіла з 31 ліпеня па 6 жніўня, у ёй прынялі ўдзел 167 вучняў з 43 краін свету.
________________________________________

Міжнародная геаграфічная алімпіяда (iGeo) праводзіцца з 1996 года пад патранатам Міжнароднага геаграфічнага саюза. Яна прызначана развіваць і папулярызаваць навуку аб навакольным асяроддзі. Першапачаткова iGeo праводзілася раз у два гады, з 2012-га - штогадова.

7 жніўня 2018, Мінск
БЕЛТА