Самалёт Ан-2 Авіяцыі МНС зраіў авіяцыйны маніторынг ачага, прынята рашэнне аб прыцягненні дадатковай тэхнікі. Верталётам Мі-8 Авіяцыі МНС ажыццявілі 24 скіды (72 тоны вады). Пажар лакалізаваны. Па стане на 08:00 9 чэрвеня яго плошча складае 3 га асобнымі ачагамі. Для ліквідацыі пажару задзейнічаны 26 адзінак тэхнікі і 120 чалавек. Пацярпелых няма.

Паводле аператыўных даных з 06:00 8 чэрвеня да 06:00 9 чэрвеня ліквідаваныя 4 лясныя пажары на агульнай плошчы 0,941 га, 1 тарфяны пажар на плошчы 1,5 га і 2 пажары травы і кустоў на агульнай плошчы 3,505 га.

Міністэрства па надзвычайных справах звяртае ўвагу: нягледзячы на ліўні і навальніцы, якія праходзяць месцамі па тэрыторыі нашай краіны, у некаторых раёнах захоўваецца высокая пажарная небяспека лясоў, а мясцовыя органы ўлады ўводзяць забароны на іх наведванне. Інфармацыю аб аператыўнай абстаноўцы і пра сітуацыю з забаронамі можна атрымліваць на спецыяльнай карце.

Звязда, 9 чэрвеня 2019