Найбуйнейшая прыродаахоўная арганізацыя BirdLife International ўпершыню прысвоіла беларусам званне абаронцы дзікай прыроды — Nature`sHero, паведамілі ў грамадскай арганізацыі "Ахова птушак Бацькаўшчыны".

Званне атрымалі тры абаронцы дзікай прыроды: арнітолаг, член Цэнтральнага савета АПБ Уладзімір Іваноўскі, старшы дзяржаўны інспектар Тураўскай міжраённай інспекцыі аховы жывёльнага і расліннага свету Міхаіл Ярмоліч і фотапаляўнічы Мікалай Варабей.

Пераможцаў узнагародзілі на XXI з`ездзе АПБ, які прайшоў у беларускай сталіцы 27 студзеня.

У арганізацыі падкрэслілі, што з 2018 года ўзнагароджваць актывістаў за прыродаахоўчую працу будуць кожны год на мясцовым ці нацыянальным узроўні.

Мінск, 28 студзеня 2018
Sputnik