«Для правядзення веснавой сяўбы сельскагаспадарчыя арганізацыі рэспублікі забяспечаны насеннем яравых збожжавых і зернебабовых культур у аб’ёме 215,9 тыс.т, лёну-даўгунцу — 6 тыс.т, бульбы — 101,4 тыс.т», — адзначыў Уладзімір Гракун.

Наяўнасць насення яравых збожжавых культур дасць магчымасць правесці сельскагаспадарчым арганізацыям сяўбу на зерне раянаванымі высокапрадукцыйнымі сартамі не ніжэй за трэцюю рэпрадукцыю.

«Для правядзення планавай сортазмены і сортаабнаўлення навуковымі арганізацыямі НАН Беларусі падрыхтавана да рэалізацыі 1420 т яравога арыгінальнага і элітнага насення. Цяпер рэалізавана іх айчынным вытворцам 861 т», — падкрэсліў намеснік міністра.

Звязда, 3 красавіка 2024