Бронзавы айбаліт са стэтаскопам на шыі выкананы ў натуральны рост вядомым віцебскім скульптарам Іванам Казаком. У левай руцэ лекара — скрутак з надпісам "Ветэрынарная медыцына засцерагае чалавецтва".
Кампазіцыю дапоўняць і "браты нашы меншыя" — сабака, цяля і папугай, якія размесцяцца ля свайго доктара. Помнік, створаны на грошы выкладчыкаў і студэнтаў акадэміі, стане віцебскім сімвалам гэтай гуманнай прафесіі. Цяпер актыўна вядуцца падрыхтоўчыя работы да ўстаноўкі кампазіцыі на пастамент, выраблены з мармуру і граніту. Як толькі яны будуць завершаны, адбудзецца ўрачыстае адкрыццё помніка. Як плануецца, яно будзе прымеркавана да важнай падзеі ў жыцці ВНУ — пасвячэння першакурснікаў у студэнты, якое традыцыйна прыпадае на лістапад.Надзея Дрыла
Звязда, 6 кастрычніка 2012
