Абмежаванні на наведванні лясных масіваў уведзены ва ўсіх рэгіёнах Брэсцкай вобласці, вынікае з даных інтэрактыўнай карты Мінлясгаса.
Практычна аналагічная сітуацыя назіраецца ў Гродзенскай вобласці – абмежаванні на наведванне лясоў уведзены ва ўсіх рэгіёнах, акрамя Гродзенскага.
У Мінскай вобласці наведванне лясоў не абмежавана ў васьмі раёнах: Валожынскім, Клецкім, Капыльскім, Любанскім, Мядзельскім, Нясвіжскім, Слуцкім і Старадарожскім.
Пад абмежаванні ў Гомельскай вобласці не трапілі Буда-Кашалёўскі, Веткаўскі, Гомельскі, Добрушскі, Жлобінскі, Кармянскі, Лоеўскі, Рагачоўскі і Чачэрскі раёны, астатнія часткі вобласці абазначаны на карце Мінлясгаса жоўтым колерам, які сведчыць аб дзеючых абмежаваннях.
Жоўтым таксама абазначаны Бялыніцкі, Бабруйскі, Быхаўскі, Глускі, Кіраўскі, Клічаўскі, Круглянскі, Магілёўскі, Асіповіцкі і Шклоўскі раёны Магілёўскай вобласці, у астатніх раёнах ніякіх абмежаванняў не ўведзена.
Як вядома, пры ўвядзенні абмежаванняў у лес заходзіць можна, аднак забаронена ўязджаць у яго на аўтамабілі. Таксама нельга разводзіць вогнішчы і праводзіць масавыя мерапрыемствы – напрыклад, турзлёты і калектыўныя выезды з намётамі.
Інтэрактыўная карта Мінлясгаса абнаўляецца ў рэжыме рэальнага часу і дае магчымасць аператыўна адсачыць інфармацыю адносна наведвання лясоў у кожным раёне краіны.
