Помнік газаваму балону – "Цар-балон", які ўстанавілі ў Гомелі, прызнаны рэкордным, паведаміў галоўны эксперт нацыянальнага рэестра Кнігі рэкордаў Беларусі Кірыл Шымко.

"Гэта помнік вышынёй 4 м 75 см і дыяметрам 1 м 42 см", - удакладніў Шымко.

"Цар-балон" створаны прадпрыемствам "Гомельаблгаз". Гэты калектыў устанавіў яшчэ адзін рэкорд. Быў праведзены першы газаправод, які сілкуе прамысловы аб’ект. Як растлумачыў гендырэктар РВУП "Гомельаблгаз" Павел Гербулаў, арганізацыя не проста так вырашыла паставіць рэкорды.

"Гомельская вобласць – адна з першых, куды ў Рэспубліцы Беларусь прыйшоў прыродны газ, і нельга было не паказаць такі сапраўды значны аб’ект для развіцця, для эканомікі нашай краіны", - сказаў гендырэктар.

Ён дадаў, што "Цар-балон" знаходзіцца на сучасным палігоне, дзе сканцэнтравана ўсё самае перадавое ў газавай гаспадарцы. Таксама недалёка знаходзіцца склад па рэалізацыі звадкаванага газу ў балонах для насельніцтва.

"Насельніцтва туды прыязджае перыядычна, усё гэта здалёку бачыць... Гэта выклікае цікавасць", - сказаў Павел Гербулаў.

Кірыл Шымко ўрачыста перадаў гендырэктару афіцыйныя сертыфікаты аб устанаўленні рэкордаў.

Акрамя таго, прадпрыемства "Віцебскаблгаз" таксама ўстанавіла рэкорд. Яно пабудавала найбольш працяглы (больш за 14 км) надземны газаправод высокага ціску дыяметрам 1 020 мм.

Таксама рэкорд устанавіла Рэспубліканскае ўнітарнае прадпрыемства па транспартоўцы і забеспячэнні звадкаванымі нафтавымі газамі (РУП СД-ТРАНС, Наваполацк) – ім створаны самы вялікі ў краіне вагон-цыстэрна для перавозкі звадкаваных вуглевадародных газаў.

Мінск, 21 сакавіка 2025
Sputnik