Якія падзеі адбыліся 20 лістапада і чым азнаменаваны гэты дзень у народным календары, чытайце далей:
Гістарычныя падзеі 20 лістапада
У 1985 годзе кампанія Microsoft упершыню прадставіла аперацыйную сістэму з назвай Windows — Microsoft Windows 1.0.
Хто нарадзіўся 20 лістапада
1899 год: Міхась Клімковіч, беларускі пісьменнік, крытык, драматург, аўтар гімна БССР.
1901 год: Міхась Зарэцкі, беларускі пісьменнік.
1948 год: Яўгенія Янішчыц, беларуская паэтэса.
1962 год: Міхаіл Баразна, беларускі мастак, мастацтвазнаўца, рэктар БДАМ.
Таксама сёння нарадзіліся шведская пісьменніца Сельма Лагерлёф, амерыканскі астраном Эдвін Хабл, савецкая і расійская артыстка балета Мая Плісецкая і Патрыярх Маскоўскі Кірыл.
20 лістапада ў народным календары
У гэты дзень праваслаўныя вернікі шануюць памяць пакутніка Фядота Анкірскага.
На рэках працягваўся ледастаў. У народзе казалі: "Фядот на раку вядзе лёд". Святы Фядот лічыўся таксама заступнікам жаночага рукадзелля, таму ў гэты дзень перад тым, як садзіцца ткаць, жанчыны маліліся яму.
Калі ў гэты дзень на дарогах галалёд, маразы будуць доўга. Калі пайшоў снег, вясной будзе паводка.
Sputnik, 20 лістапада 2018
