Адкрыццё рэканструяванай фабрыкі "Слуцкія паясы" ў Слуцку Мінскай вобласці, якое планавалася ў Дзень горада 21 верасня, перанесена.
Каля будынка фабрыкі ўстанавілі скульптуру "Ткач" працы беларускага скульптара Сяргея Гумілеўскага.
Унутры фабрыкі работы знаходзяцца на стадыі завяршэння. У музеі "Слуцкіх паясоў" ужо з`явілася большая частка экспанатаў, амаль завершана афармленне інтэр`ера.
Практычна закончаны работы ў кафэ "Стары горад" каля будынка фабрыкі, гатова да адкрыцця сувенірная лаўка, размешчаная каля ўваходу ў кафэ.
БелаПАН, 22 верасня 2013
