Праграма разлічана на пяць гадзін і пройдзе ва ўнутраным двары музея. Для публікі ў гэты вечар выступіць папулярная беларуская група роданачальніца стылю фолк-мадэрн - "Палац", украінскі "ГІЧ Аркестр" - адзін з самых запатрабаваных фестывальных калектываў, польскі струнны квінтэт "VoLosi", які пакарыў блізкае і далёкае замежжа, а таксама група "Aiste Smilgeviciutes&SKYLE", атрымаўшая ў гэтым годзе прэмію Прэзідэнта Літвы за ўклад у культуру.

Наведвальнікаў чакаюць і традыцыйныя рамесныя майстэрні ад цэнтра народных рамёстваў "Скарбніца", выстаўка касцюма, даспехаў і зброі (XIII–XVI стст.) ад Маладзёжнага грамадскага аб`яднання "Жывая гісторыя", танцы, віктарыны, прызы і спецыяльнае меню ад Арт-кафэ.

Вечар прымеркаваны да экспазіцыі "Партрэты ўладароў і магнатаў Вялікага Княства Літоўскага", з якой можна азнаёміцца да 26 жніўня.

9 ліпеня 2013, Мінск
БЕЛТА