Створаны ў выніку сумеснай працы групы навукоўцаў, у тым ліку з НАСА, спадарожнік "Хітомі" быў запушчаны ў космас у лютым з касмадрома Танэгасіма. Спадарожнік быў абсталяваны магутнымі тэлескопамі з прыборамі рэнтгенаўскага выпраменьвання.

Навукоўцы спадзяваліся з яго дапамогай вывучыць звышмасіўныя чорныя дзіркі. Аднак неўзабаве пасля таго, як спадарожнік дасягнуў арбіты, кантроль над ім быў згублены.

Улады Японіі мяркуюць, што, верагодна, кантроль быў згублены з-за таго, што ад спадарожніка адарваліся сонечныя батарэі, якія забяспечваюць працу вымяральных прыбораў.

Звязда, 28 красавіка 2016